خطاب الكراهيه.. السم في الدسم

بقلم عبدالله محمد الحلفاوي
خطاب الكراهيه.. السم في الدسم

* الكراهيه من أخطر أمراض القلوب واشدها خطورة على الفرد والمجتمع .
* وممكن نكته او صوره او كلمه تنشرها تكون نواه لخطاب الكراهيه وتفقد بيها كل الناس .
* يلا حتستفيد شنو لما تخسر ليك زول بسبب كلمه .. او موقف .؟؟!!!
* انت مفتكر لو حسمت كل مواقفك وصراعاتك لصالح ذاتك انك حتعيش سعيد ؟؟!! بالعكس حتفضل عايش حياتك كلها فى توتر وقلق .
يييخ عشان تعيش حياه هادئه وسعيده حب الناس الحوليك.. وقدم ليهم أقصي ما تستطيع من الخير ..
وتأكد انو محفوظ.. وهيرجع ليك فى يوم .
* عشان كدا :
اخسر المواقف .. واكسب القلوب
وما تكره زول
وازرع الحب في حياتك أينما .. وكيفما يكون .
* * *
* برهن الشعب السوداني في ثورته المجيده وفى اكبر مسيره خرجت لرفض الكراهيه برهن على تماسكه وتمسكه بوحدته الوطنيه ونبذه للكراهيه والعنصريه ودعوات التحريض والبعد عن الخلافات والتشاحن عندما هتفوا بشعارات واضحه وصريحه( يا عنصري ومغرور.. كل البلد دارفور ) .
* لعمرى انه شعب سباق دائما للدفاع عن قيم الخير والوقوف صفا واحدا ضد التطرف والكراهيه.. شعب يؤمن بقيم التعايش السلمي والتسامح فى مواجهة نزعات الكراهيه.
* ولكن بسبب هذه الحرب اللعينه نحن نعيش أمام خطابات حرب وعملية تضليل غير مسبوقه فى تاريخ السودان ربما حتي فى المنطقه الافريقيه والعربيه .
* أصبحنا نسمع هذه الخطابات فى كل مكان وزمان وعلي اتفه الأسباب كالاختلافات فى الرأى او اي قضيه سياسيه او اجتماعيه.. او خيار اختاره الفرد منا لقناعاته الفكريه .
* حيث يستخدم الخطابات كوقود لاستمرار الحرب وتأجيجها.. مما لها تأثيرات عميقه على المجتمع وعلى عملية السلام الجاريه لانهائها ووقفها.
* هذه الخطابات أصبحت أزمة مجتمع لأنها وصلت حتي الي الصغار فى المدارس .. والمنابر والشوارع والاسواق.
* عليه فإن الوطن يمر بمرحله حرجه يتطلب وقفة المخلصين لنشر ثقافة المحبه ونبذ خطابات الكراهيه.
* تجريم خطاب الكراهيه هي بداية فك عقدة الوضع السياسي والمجتمعى المتأزم في البلاد .
# وياااااااا.. زول/ه
يلا نعلِّى صوتنا ونقول لا لخطابات الموت .. ونستغل تعدد ثقافاتنا واختلافنا كسودانيين ونخلق خطاب ايجابى نعزز بيهو تعايشنا السلمى ووقف الحرب..
وما نقيف من إرسال رسائل السلام عبر الفن والغناء والرياضه واااي وسيله أخرى متاحه.
* فى الفتره دي واجب علينا نرفع شعارات المحبه والسلام فيما بيناتنا وإلا لهلكنا جميعأ.. كما قال الماضل العالمى نيلسون مانديلا : ( اما ان نعيش فى مجتمعاتنا بسلام .. او ان نُهلك جميعأ ) .

* * *
الناس فى بلدى يصنعون الحب ..
كلامهم أنغام ولونهم بسام ..
وحين يتقابلون ينطقون بالسلام .. عليكم السلام .
…
وياااااا.. انت
أبقى زولاً فيهو محبه .

للعوده لمقال سابق