وطن عزه ومهيره
كلمات الشاعر كرم الله حسن ارتلاوى
يا وطن عزه ومهيره
ديمه بى اسمك ننادى
يا مفاخرنا وشموخنا
ليك رافعين اﻻيادى
ندفع الروح ليك رخيصة
نحميك من غدر اﻻعادى
جارى حبك فى دمانا
انت فى وجدانا باقى
يا وطن فى ذاتنا انت
بيك وصونا الجدود
قالوا احموها التراب
نفديك باﻻرواح نجود
ندخل ام لهباً يزمجر
ونكسر القيد العنود
فى الحاره بنكوس المنايا
هايجين نكاتل كاﻻسود
الصغير هلل وكبر
الكبير قال يا ودود
حلفنا نضافر جميع
عزمنا نحميها الحدود
ليك يا وطن الشموخ
نحن بنقود المسيرة
تبقى يوم عرسك مجرتق
بالطبول والزفة سيره
وتمرق الصبيان تصقر
ويزغردن اخوات مهيره
يبقى يوم جاهك وعزك
وتبقى افراحنا الكبيره
بكره نبنيك طوبه طوبه
ونفتح الوديان جداول
نخضر اﻻرض اليباب
وتشمخ اعناق السنابل
وتبقى يا سودانا فوق
داوى صوتك فى المحافل
تحضن الداير السلام
وتبقى للعدوان قنابل
ارتلاوى
للحروف يلاوى